L-Aġenzija Żgħażagħ, l-aġenzija nazzjonali taż-żgħażagħ f’Malta, topera l-Eurodesk MT. L-Aġenzija Żgħażagħ hi responsabbli li tipprovdi informazzjoni tal-UE fil-qasam tal-finanzjament, edukazzjoni, taħriġ, mobilità taż-żgħażagħ, studju, xogħol, volontarjat u rikreazzjoni għaż-żgħażagħ u nies professjonisti li jaħdmu f’dan is-settur. Permezz ta’ mezzi differenti u networks sodi, l-Aġenzija Żgħażagħ għandha l-għan li tiżviluppa u tipprovdi avvenimenti differenti bil-għan li tittrasmetti servizzi ta’ informazzjoni b’xejn.